"En fin de table Homenaz nous donna grand nombre de grosses et belles poyres, disant : "tenez, amis. Poires sont singulieres, lesquelles ailleurs ne trouverez. Non toute terre porte tout. (...) En ceste isle seule naissent ces belles poires. Faictez en, si bon vous semble, pepinieres en vos pays.

- Comment, demanda Pantagruel, les nommez vous ? Elles me semblent tresbonnes, et de bonne eau. Si on les cuisoit en Casserons par quartiers avecques un peu de vin et de sucre, je pense que seroit viande tressalubre tant es malades comme es sains.

- Non aultrement, respondit Homenaz. Nous sommes simples gens, puys qu'il plaist à Dieu. Et appelons les figues figues, les prunes prunes, et les poires poires."

François Rabelais, Comment Homenaz donna Pantagruel des poires de bon Christian, in Pantagruel Р Le Quart Livre, éd.